Börnin færast ekki á milli deilda heldur er sami aldur á öllum deildum og mikil samvinna á milli deilda. Við erum að vinna með nýjan hóp á hverju ári. Starfið í Sólgarði hefur verið að mótast á undanförnum árum og kemur til með að gera það áfram, þó er það í heildina í mjög föstum skorðum. Við erum með sérstaka áherslu á hreyfiþroskann. Starfsmenn sóttu námskeið tengt hreyfiþroskanum og móta starfið með hliðsjón að því sem þar var kynnt.

Við erum ekki aðeins með leikfimitíma fyrir litlu börnin heldur snýst þetta t.d. um það hvernig við getum fengið 6 mánaða barn sem ekki vill liggja á maganum til að liggja á maganum. Það gerum við með því að hafa það stuttan tíma í einu en -lengjum tímann smám saman, einnig getum við sett púða undir bringu þess til að byrja með ef það hjálpar. Við örvum börnin til að skríða, ganga, ná sjálf í það sem þau hafa áhuga á o.s. fr. Hreyfiþroskinn fléttast einnig inn í flest það sem gert er í leikskólanum.

Námskeiðið sem starfsmenn sóttu gekk út á aðferðir sem sjúkraþjálfari notar til að örfa hreyfiþroska yngstu barnanna.

Þó að hreyfiþroskinn sé sérstakur áhersluþáttur hjá okkur þá leggjum við áherslu á alla þroskaþætti.