Markmiðið er að örva málþroska barnanna og hvetja þau áfram í tilraunum sínum til að mynda fyrstu orðin og einfaldar setningar.
Leiðir: Málörvun fer fram í öllu daglegu starfi, við tölum við börnin á meðan við sinnum þeim og notum hugtök yfir athafnir og orð yfir hluti t.d þegar við erum að klæða þau tölum við um stígvélin, húfuna o.s.frv. Við lesum líka einfaldar sögur fyrir eldri börnin og skoðum myndabækur. Söngstundir eru fastur liður í starfinu og hafa börnin sérstaklega gaman af lögum með hreyfingum.
