Síðan árið 2008 hefur Háskóladansinn verið starfræktur en eitt af helstu markmiðunum er að fá háskólanema til þess að koma út á gólf og dansa. Í Háskóladansinum geta allir komið og dansað þó svo að nafnið gefi kannski annað til kynna. Bjarki Þór Guðmundsson ákvað að prófa að mæta á æfingu þegar hann byrjaði í Háskólanum síðasta haust og sér hann ekki eftir því. 

„Sérstaða karla fyrr á öldum var fólgin í æðri menntun en konur voru dyggðugar, siðprúðar, áttu að þegja og hafa sig ekki mikið í frammi. Helst áttu þær alltaf að vera með sálma eða trúarrit í höndunum,“ segir Guðrún Ingólfsdóttir, doktor í íslenskum bókmenntum, sem kynnti í dag doktorsritgerð sína „Í hverri bók er mannsandi“ sem fjallar í stuttu máli um konur á 18. öld og
handritaeign þeirra.

Aldrei hafa jafn mörg fyrirtæki kynnt starfsemi sína á Framadögum Háskólanna eins og nú, en 35 fyrirtæki mættu til leiks í Háskóla Reykjavíkur í dag. Hrafnhildur Ýr Benediktsdóttir framkvæmdarstjóri Framadaga var að vonum ánægð með góða þátttöku fyrirtækja og almennings.

Íslendingum barst nýlega kennsluefni á íslensku að gjöf frá kínverska menntamálaráðuneytinu. Fréttamaður Student.is ræddi við Geir Sigurðsson dósent í kínverskum fræðum við Háskóla Íslands. Hann segir gjöfina umbylta kínverskukennslu. Hlusta á viðtal.