Hvað er grunnnám?

Grunnnám er fyrsta háskólagráða og tekur yfirleitt þrjú ár að klára. Einhverjar námsleiðir eru þó með lengra grunnnám. Grunnnám veitir aðgang í framhaldsnám á háskólastigi. Grunnnámi lýkur með BA, BS eða B.Ed. gráðu.

Hvað er framhaldsnám?

Framhaldsnám getur verið af ýmsum toga. Meistaranám, yfirleitt tveggja ára, kemur oft í kjölfarið af grunnnámi og lýkur með MA, MS eða M.Ed. gráðu. Doktorsnám er minnst þrjú ár. Einnig eru í boði ýmsar styttri námsleiðir á framhaldsstigi og þeim lýkur oft með diplómagráðu.

Hvernig finn ég þá stofu sem ég á að mæta í?

Byggingar skólans eru margar og bera allar nafn og einkennistaf, en sá stafur kemur fram á stundatöflunni. Ef á stundatöflunni stendur O 201 þá er kennslustundin í stofu 201 í Odda. Byggingar skólans eru merktar á eftirfarandi hátt:

• Aðalbygging - A
• Askja - N
• Árnagarður - Á
• Eirberg - EIR
• Hagi - Ha
• Háskólabíó - H
• Háskólatorg - HT
• Gimli - G
• Læknagarður - Lg
• Lögberg - L
• Neshagi - Nh
• Nýi garður - Ng
• Oddi - O
• Stakkahlíð, Enni - E
• Stakkahlíð, Hamar - H
• Stakkahlíð, Klettur - K
• Stapi
• VR I
• VR II
• VR III

Yfirlit yfir allar byggingar skólans.