Fjöldi gesta lagði leið sína á Vísindadaginn á laugardaginn. Tilgangurinn með deginum var að kynna störf og rannsóknir raunvísindasviðs fyrir almenningi og sýna hversu spennandi vísindin geta verið. Ungum sem öldnum gafst tækifæri á að feta svokallaðan vísindaveg, þar sem þeir gátu kynnst undraheimi vísindanna og fengið fræðslu um rannsóknir sem stundaðar eru innan veggja háskólans.