Það voru ákafafullir, spenntir og sprækir krakkar sem mættu um helgina í Íþróttahús Háskóla Íslands, en þar hóf Íþróttaskóli barnanna nýlega starfsemi sína - áttunda árið í röð. Þangað geta háskólanemar komið með börn sín á aldrinum tveggja til fjögurra ára, leyft þeim að sprikla og kynnast öðrum börnum. Fréttamaður student.is mætti á svæðið einn laugardaginn og fylgdist með fjörinu.