Stúdentaráð skipar fulltrúa til ýmissa verkefna sem þarfnast sérstakrar athygli. Fulltrúar þessir hafa vikulega viðveru á skrifstofu Stúdentaráðs og stúdentar eru hvattir til að leita til viðeigandi fulltrúa með ólíklegustu mál og spurningar.
Alþjóðafulltrúi hefur yfirumsjón með tengiliðaverkefni SHÍ og Alþjóðaskrifstofu. Í starfi alþjóðafulltrúa felst annars vegar að finna skiptinemum við HÍ íslenska tengiliði á meðan þeir dvelja hérlendis og hins vegar að búa þannig um hnútana að skiptistúdentar sem ekki fara heim um jólin hafi kost á að snæða jólakvöldverðinn með íslenskri fjölskyldu.
Alþjóðafulltrúi er þar að auki tengiliður milli ESN Reykjavík, nemendafélags erlendra nema við HÍ og Alþjóðanefndar.
Alþjóðafulltrúi Stúdentaráðs 2010-2011 er Sif Hauksdóttir Gröndal.
Jafnréttisfulltrúi er skipaður ár hvert til þess að skoða háskólaumhverfið, kosti þess og galla með gleraugum jafnréttisins, hvort sem um ræðir jafnrétti til náms eða jafnrétti innan veggja stofnunarinnar sem HÍ er.
Jafnréttisfulltrúi Stúdentaráðs 2010-2011 er Tinna Rut B. Isebarn.
Fjölskyldufulltrúi Stúdentaráðs Háskóla Íslands skólaárið 2010-2011 er Eva Ósk Ármannsdóttir en hún situr jafnframt fundi fjölskyldunefndar SHÍ. Fjölskyldufulltrúi svarar fyrirspurnum stúdenta hvað varðar hagsmunamál foreldra í samráði við hagsmunafulltrúa SHÍ, Gabriella Unnur Kristjánsdóttir. Hafa má samband við fjölskyldufulltrúa SHÍ og óska eftir viðtalstíma.
English version:
